Transcription
1
Du troysiesme jour du moys de febvrier année mil
2
cinq cens septante quatre, environ les quatre heures après mydy,
3
monsieur maître (ou messire ?) JehanVincent, docteur es droictz, premier consul
4
de la ville de Crest, assisté de maître (messire ?) Jehan Garnaud, conselhier
5
et precedemment consul, et de moy, secretaire soubz signé, cest
6
transporté au chasteau dudit Crest pour sommer le cappitaine
7
Bolut, commandant audit chasteau, suyvant ce qua esté cedit present
8
jour arresté par messieurs du conselh de ladite ville de
9
recepvoyr audit chasteau cinq soldatz catholiques, gens
10
responsables et habitans de ladite ville, en ensuyvant
11
lordonnance sur ce faicte par monseigneur de Gordes,
12
actendu quilz ont receu advertissementz que lennemy
13
se veult sasysir et amparer dudit chasteau. Où estre,
14
nont trouvé ledit Bolut, ayns seulement Marye Vincente
15
sa femme, laquelle a respondu que ledit Bolut son mary
16
estoyt à Piegros dès hyer ; par quoy ledit sieur consul
17
a incontinant envoyé querir Jehan Bonnard, dit Gargas,
18
commandant audit chasteau en labsence dudit Bolut, auquel
19
Bonnard et à ladite Vincente, ledit consul, presentz et assistans sept
20
soldatz illec, estans comme ilz disoyent pour la garde dudit
21
chasteau, tous estrangiers, a remonstré comme messieurs de ladite
22
ville avoyent presentement receu advertissementz de
23
plusieurs bons lieux que lennemy avoyt faict entreprinse de
24
samparer de ladite forteresse, au moyen de quoy les
25
a sommés et requis de recepvoir audit chasteau cinq soldatz
26
catholiques, gens solvables et asseurés de ladite ville
27
pour la fortification et la garde de ladite forteresse en ensuyvant
28
ladite ordonnance dudit sieur de Gordes ; de quoy ilz, Bonnard et
29
Vincente, ont respondu quilz nozeroyent en recepvoyr aulcuns
30
[83 v°] sans la permission dudit Bolut ; de quoy ledit sieur Vincent,
31
consul, a requis actes et proteste de resevoir et de tout
32
linconvenient et dangier quen pourroit survenyr
33
pour limportance dudit chasteau, en presences dudit maître
34
Jehan Garnaud et de François Rollet, soldat et des susdits
35
autres soldats et de moy, notayre et secretaire
36
de ladite ville soubz signé
37
Rollet notaire et secretaire